ភ្នំពេញ ៖ សមាគមសហគ្រិន វ័យ ក្មេង កម្ពុជាកាលពីថ្ងៃទី១ ខែកុម្ភៈ នេះ នៅទីស្តីការ ក្រសួង ពាណិជ្ជកម្ម បាន ចុះអនុស្សរណៈ យោគយល់គ្នា ជាមួយ សមាគមសហគ្រិន វ័យ ក្មេង នៃសភា ពាណិជ្ជកម្ម និងឧស្សាហកម្ម នៃប្រទេសជប៉ុន ដើម្បីជំរុញ ឲ្យមានវិនិយោគជប៉ុន ចូលមកបណ្តាក់ទុក នៅកម្ពុជាឲ្យបានច្រើន។
ពិធីចុះអនុស្សរណៈ យោគយល់គ្នា ជាមួយរវាងសមាគមសហគ្រិន វ័យ ក្មេង កម្ពុជានិងអង្គភាព ក្រុមសហគ្រិន វ័យក្មេង នៃសភាពាណិជ្ជកម្ម និងឧស្សាហកម្ម នៃប្រទេសជប៉ុន ធ្វើឡើងក្រោមអធិបតីភាព លោក ប៉ាន សូរស័ក្តិ រដ្ឋមន្ត្រី ក្រសួងពាណិជ្ជកម្ម កម្ពុជានិង លោកឯកអគ្គរាជទូតជប៉ុនប្រចាំនៅកម្ពុជា។
លោក ប៉ាន សូរស័ក្តិ បានថ្លែងថា តាំងនាមអោយក្រសួងពាណិជ្ជកម្ម សូមស្វាគមន៍ ចំពោះ លោក កូជិ អូកាំមូរ៉ា ប្រធាន អង្គភាព ក្រុម សហគ្រិន វ័យ ក្មេង នៃសភា ពាណិជ្ជកម្ម និងឧស្សាហកម្ម នៃប្រទេសជប៉ុន ដែលបាន សម្រេច ចុះអនុស្សារណៈ យោគយល់គ្នា ជាមួយ សមាគមសហគ្រិន វ័យ ក្មេង កម្ពុជា មានលោក សុខ ពិសិទ្ធ ជាប្រធាន។
លោក រដ្ឋមន្ត្រីបន្ថែមថា ក្រោមការដឹកនាំរបស់ សម្តេចតេជោ នាយករដ្ឋមន្ត្រី បានធ្វើឲ្យប្រទេសមានសុខសន្តិភាព ពេញបរិបូរណ៍ បានធ្វើឲ្យ កំណើតសេដ្ឋកិច្ច ជាមធ្យម ៧% រៀងរាល់ឆ្នាំ ក្នុងរយៈពេលជាង ១ទសវត្សរ៍ ចុងក្រោយ។
លោក រដ្ឋមន្ត្រី បានបន្ថែមថា កាកើនឡើង កំណើត សេដ្ឋកិច្ច ជាមធ្យម ៧% នេះបានរួមចំណែកកាត់បន្ថយ ភាពក្រីក្រ ធ្លាក់ចុះ ត្រឹម ១៣%រយ ក្នុងឆ្នាំ២០១៦ និងបានផ្តល់នូវ ឱកាស ជាច្រើនជូនពលរដ្ឋនិង អ្នកវិនិយោគ។
សម្រាប់ទំហំពាណិជ្ជកម្ម រវាងកម្ពុជានិងជប៉ុនវិញ មានការកើនឡើងជាលំដាប់។ បើយោងតាមទិន្ន័យ ពីមជ្ឈមណ្ឌល ពាណិជ្ជកម្ម អន្តរជាតិ ITC ទំហំពាណិជ្ជកម្ម រវាង ប្រទេសទាំងពីរ កាលពីអំឡុងឆ្នាំ២០១៣ មានចំនួន ១៧៣ លានដុល្លារ ឆ្នាំ២០១៤ ៥១៦ លានដុល្លារ និងឆ្នាំ២០១៥ បានកើនឡើង ចំនួន៦៦៦ លានដុល្លារ។
លោករដ្ឋមន្ត្រី បន្ថែមថា បច្ចុប្បន្ននេះប្រទេសកម្ពុជា ស្ថិតនៅក្នុង ក្រសែភ្នែក របស់ អ្នកវិនិយោគិន ជប៉ុន គឺជាទីផ្សារ ដ៏មានសក្តានុពល សម្រាប់វិស័យ សេវាកម្ម។
ជាក់ស្តែងកម្ពុជាមានផ្សាទំនើប អីអន ទី១ និងទី២ និងការបើកជើងហោះហើរពីកម្ពុជាទៅជប៉ុន ដោយក្រុមហ៊ុន អាកាសចរជប៉ុន ANA រួមនឹងការបើក ភោជនីយដ្ឋាន នៅតំបន់សេដ្ឋកិច្ច ពិសេស និង សហគ្រាសធុន មធ្យម នៅកម្ពុជា។ នេះបើយោងតាមការលើកឡើងរបស់លោក រដ្ឋមន្ត្រី បញ្ជាក់។
លោក ប៉ាន សូរស័ក្តិ រដ្ឋមន្ត្រី ក្រសួងពាណិជ្ជ បានសង្ឃឹមថា ការចុះអនុស្សរណៈ យោគយល់គ្នា នៅពេលនេះ គឺជាវិវឌ្ឍនភាព ថ្មីមួយ ទៀត សម្រាប់ការទំនាក់ទំនង ពាណិជ្ជកម្ម ទ្វេភាគី រវាងកម្ពុជា និងជប៉ុន ហើយក៏សង្ឃឹមថា សហគ្រិនវ័យ ក្មេង ទាំងពីរ និងមាន ឱកាស ផ្លាស់ប្តូរ បទពិសោធន៍ និងស្វែងយល់ពីគ្នា កាន់តែច្បាស់ លើកិច្ចការ ប្រកបធុរកិច្ច ដើម្បីឈានទៅចាប់ដៃគូ សហការវិនិយោគ នានា។
លោក កូជិ អូកាំមូរ៉ា ប្រធាន អង្គភាព ក្រុម សហគ្រិន វ័យ ក្មេង នៃសភាពាណិជ្ជកម្ម និងឧស្សាហកម្ម នៃប្រទេសជប៉ុន និងសមាគមសហគ្រិន វ័យ ក្មេង កម្ពុជា មានលោក សុខ ពិសិទ្ធ ជាប្រធាន បានឡើងថ្លែង ប្តេជ្ញា ចិត្ត រួមគ្នា ធ្វើយ៉ាង ណា ឲ្យ សេដ្ឋកិច្ច នៃ ប្រទេសទាំងពីរ រីកចម្រើន តាមរយៈ ចុះអនុស្សរណៈ និងផ្លាស់ប្តូរ យោបល់គ្នា៕
កម្ពុជាថ្មី
ឌួងវិរះជ័យ
No comments:
Post a Comment